Бүгүн ыраахтан , чугастан анал автобуһунан тиэллэн Софья Трофимовнабыт баараҕай балаҕаныгар, бэттээхэй тиэргэнигэр кыараабыт санаабытын сайҕаан, ыгылыйбыт өйбүтүн бөҕөргөтөн Юрий Петровичпыт олоҥхотун иһиттибит.
Олоҥхоҕо Уот Уоппут Уот Уобурдаан диэн абааһы бухатыырын сүүс киһи сүбэтин ылбыт, сүүс киһи санаата санааламмыт Айыы бухатыыра Баһырҕастаах аттаах Баабый Баатыр кыайда-хотто, өстөөҕүн өһөрдө, ол кэриэтэ биһиги Айыы санаабыт уот баһаарын кытта охсуһууга күүс-көмө буоллун диэн олоҥхону истэ кэлбит дьонтон киирбит 20 тыһыынча солкуобайы уонна "Чороон ХХI үйэ" 8 дьааһык сахалыы иһиттэрин, үлэһиттэрэ хомуйбут таҥастарын уонна араас малларын көмөнү хомуйар штабка илдьэн туттардыбыт. Бу курдук ким төһө кыайарынан, хайдах сатанарынан кыһалҕалаах кэмҥэ дьоммутугар, аар айылҕабытыгар күүс көмө буолуоҕуҥ!
- Амма тумсуу.